琉 球 之 旅 2007

前言 與 行程表 遊記 相簿 資料 連結 留言版 

第一天 第二天 第三天 第四天 第五天 第六天 第七天 第八天

Day 1 (1月16日)-火曜日(Tuesday)

行程: 香港 台北機場 那霸機場 那霸市區

住宿: 東橫イン那霸旭橋駅前

交通: ゆいレール(monorail)

午餐:國泰雞肉意粉飛機餐 (可能因為短途機, 冇得揀)
下午茶:華航冷麵そば弁當飛機餐 (出乎意料之外的好味)
晚餐:沖繞家庭料理-酒処ゆがふ (在東橫附近的一間小店,味道係行程中最好味的)

心得、感想、與感受:

今天主要都係搭飛機,中午搭國泰機,下午搭華航機。在香港checkin的時候,預先同國泰空姐講左會在台北轉機去沖繩,所以,轉機時間唔洗自己搬行李,兩袖清風,轉機轉得好輕鬆。不過,記緊轉機時間要預留90分鐘,國泰checkin的空姐告知的。國泰的飛機餐例牌都係雞肉意粉或者肉片飯,冇咩野特別,不過不失啦。去到台北機場,坐左架無人駕駛列車由第一航廈去左第二航廈,搵華航的counter辦理checkin的手續。不用等行李,checkin手續亦很簡單,時間尚早,到了新東陽去免費上網,之後便上機了。從停機坪上看到要搭的華航客機,機身繪上數隻大蝴蝶在花叢中,蠻有沖繩的特色。

從香港出發
台北轉機
中華航空的台北counter
往沖繩的華航飛機

有時候希望越大失望越大,相反,對於本來沒期望的,卻可能會有意料的驚喜,華航的飛機餐就是一個好例子。雖然飛機餐並不如國泰的可以有得揀,想不到弁當餐盒之內,竟然有冷麵そば,味道更是出乎意料之外的美味。可惜,華航機師的降落技術,正如傳聞一樣,不知是否以前真的是空軍機師,技術果然夠狠,明明那霸空港係海邊,附近又冇山,係要去到那霸附近,先盤旋打圈降下,重要係降落果下一野就挫落地面度,勁震一野...仲以為降落失敗,墜機收場添∼ 當然,最後都係安全降落啦∼

華航的飛機餐盒
有冷麵そば的飛機餐

從前曾經到過日本數個機場,海關的英文水平最好就係那霸空港,可能平時對得美國佬多吧,佢地英文的水平比較其他的日本海關真係高好多。不過,亦係呢度遇上最多問題發問的日本海關,而且亦問得好詳細,唔知係唔係趁呢d機會,乘機練習下佢地d英文呢。除左例牌問來幾多日、幾時走、來自邊度、同埋來做咩之外,仲要問你係第幾次來日本,並且要睇埋香港身份証,又要拎回程機票比佢睇下。我地當然冇回程機票啦,所以,又要解釋一輪,話佢知我地會坐船由那霸石垣,之後在石垣再坐船返基隆,最後經台北搭飛機返香港,最後佢要求比埋回程的船票佢睇。我只係預定左船票,所以,又點會有回程船票在手呢,於是,我只好比埋張預約船票的fax佢睇,好彩佢都接受。跟住,又到檢查行李的海關,佢又問一輪差不多的問題,又係要睇機票同船票,於是又再要解釋多一次,激死。

ゆいレール(monorail)
ゆいレール的標誌
車箱內部

結果,雖然整架飛機只有好少人(半滿的飛機),過左海關都成八點幾,去埋東橫checkin同settle down之後,已經九點鐘了。於是,在東橫附近隨意搵左間最近的家庭料理食晚飯,名字叫ゆがふ。先來一客沖繩名物,ゴーヤーチャンプルー(苦瓜加埋豆腐同埋午餐肉一齊炒),嬸嬸炒得真係好有鍋氣,好正,沖繩苦瓜真係完全唔苦o架∼ 沖繩嬸嬸的煮餸功夫,令我對於苦瓜比左個好印象,所以,之後都有在不同的食店試,原來唔係度度的苦瓜唔苦o架,要睇番煮餸的功力來決定的。另外一樣沖繩名物-藍子魚豆腐,我們真的不太懂得欣賞呢個餸,原先以為整個餸以蒸煮的形式製作,可是朋友告之細細條的藍子魚是生的(估唔到),單食會好咸,要連住件淡口凍豆腐一齊食先得,有點意外的feeling。最後order埋沖繩そば與ORION啤酒試一下,沖繩そば與傳統そば完全不同,麵條是由小麥粉再加皂水製成,並非由喬麥粉所製造,不過,味道與質感都很特別,好好味,尤其加埋辣椒泡盛一齊食就更好味∼

沖繩家庭料理-酒処ゆがふ的位置圖
沖繩家庭料理ゆがふ
ゴーヤーチャンプルー
藍子魚豆腐
沖繩そば
ORION啤酒



 琉 球 之 旅 2007 回到網上家園的首頁
有問題想找我,可以來我的留言板啊∼∼  
建議最佳螢幕解析度設定為1024 x 768 with Internet Explorer 6.0
Copyright © 2007 www.travelpooh.com 網上家園 All rights reserved.